The Chocolate Oracle

I was just taking some quizzes for fun and I thought I might share some of the results :D

The Chocolate Oracle Says You're Mellow

You are sweet, mellow, and easily satisfied.
You don't like anything too intense and dramatic.
Deep down, you're a kid at heart... and you're nostalgic for the past.

You are emotionally expressive and sensitive.
You're effected by everything around you.
Your friends appreciate your open heart (not necessarily :P) , but they are afraid of hurting your feelings .

You love being by yourself and thinking. Developing your own theories and ideas is fun.
You feel lost when you're forced to be social. Being with other people can be lonely for you.

انا واعوذ بالله من كلمه انا 8

ياه الواحد لما بيفتكر ايام المدرسه بيحس انها كانت من زمان قوى - ماهى كانت من زمان قوى احنا هنحمرق ولا ايه-
ما علينا

كانت ذكريات عظيمه
طبعا ايام ما كان الواحد فى ابتدائى كان الاول على المدرسه و كل يوم فى الاذاعه و فى فريق الموسيقى و اى نشاط فى المدرسه كنت راشقه فيه

الواحد دخل اعدادى و حالته اتدهورت خالص
اول اعراض تدهور الحاله بدأت مع انى اروح كل يوم بعد الطابور ما يخلص -لا اذاعه مدرسيه ولا يحزنون-
و طبعا لا موسيقى و لا بطيخ و لا بتاع

عادى كل الناس مابتحضرش الطابور

ابتديت فى اول كل سنه ادور على اخر بنش فى الفصل واقعد فيه
و لما دخلت ثانوى كان اخر بنش ده بيحصل عليه نزاعات و خلافات و كنا بنضطر نعمل مفاوضات و ساعات كنا نروح حاطين بنش زياده بين كل بنشين محطوطين علشان ما نحرمش حد من حقه فى البنش الاخير

طبعا مع عصر الاضمحلال الاول اللى هو المرحله الاعداديه ابتدت ثقافه كشاكيل الواجب تختفى و المدرسين طبعا حاولوا جاهدين انهم يحافظوا على ثقافه كشاكيل الحصه قبل مايحصل لها حاجه هى كمان


عصر الاضمحلال التانى بقى بين قوسين الثانوى
الموضوع اختلف تماما
ثقافه الكشاكيل عموما كانت اندثرت و بما انى كنت المجتهده و زى ما تقولوا كده الالفا بتاعت الفصل زى ما بيقولوا فى الافلام القديمه
كان معايا كده كشكول تفتحه من قدام تلاقى عربى
تفتحه من ورا تلاقى رياضيات
تفتحه من النص لو اتجهت لليمين تلاقى فيزياء ولو اتجهت للشمال هتلاقى انجليزى
و ممكن تلاقى ساعات تشكيله صفحتين رياضه على صفحه انجليزى على صفحه احصاء وابقى قابلنى لو عرفت تطلع حاجه من الكشكول

ده بالنسبه للكشاكيل
ييجى بقى المدرس يسأل سؤال
انا دايما احب اتأمل فى السقف و هو المدرس بيسأل
السقف بيلهمنى جامد
بس ساعات تلاقى المدرس من دول مصر ان انت اللى تجاوب
ايوه انت اللى ورا
وانا مالى ما اللى ورا كتير
ايوه انت اللى لابسه ايشارب ابيض
كل المحجبات فى الفصل لابسين ايشارب ابيض مش اليونيفورم بتاعهم
ايوه انت السمراء

انت يعنى جيت فى جمل تلات ارباع المصريين سمر

ايوه انت اللى فى البنش الاخير
طبعا الكلمتين دول بيقولهم و هو واقف فوق دماغى

"انا؟؟!!!"
"ايوه "
"معلش يا مستر ممكن تعيد السؤال" ادب واخلاق مافيش بعد كده
"كذا كذا كذا"
"اممممممممممممممممممممم "
"جاوبى"
"بصراحه يا مستر اصلى مش عارفه"

طبعا الراجل هيقول ايه مافيش حاجه يقولها
و ياعينى هو متخيل انه بيتعامل مع معتوهين


ده غير بقى لما انام فى الفصل الاقيه واقف فوق دماغى و بيقولى اصحى
طب ده كلام بالذمه
طب اصحى اعمل ايه
و لما اتكلم مع اللى جنبى مايعجبوش الحال
طب مانا كنت نايمه و ساكته يابن الحلال

هما اللى بيجيبوه لنفسهم

طبعا لما قابلته يوم النتيجه و سألنى عملت ايه و قلتله انى جبت 97% ماصدقنيش وافتكر انى كنت باضحك عليه
او ان قصدى 79% وقلتها غلط

بس الحمدلله ان السنه خلصت قبل ما يجيله شلل رعاش
طبعا انا ماحكيتلكمش على كل حاجه علشان وقت الحلقه ....... يوه قصدى علشان طول البوست بس اللى يعرفنى اكيد عارف النوادر بتاعتى فى المدرسه lol