untitled post1

this can't be happening
not again
for once I would love to really enjoy something without it being ruined
and of all the reasons that could ruin something in this world
I'm stuck with the stupid, trivial and insignificant ones
this is so annoying

رخامه

ازاى ترخم على الناس:

• ممكن وانت راكب المترو الصبح تمسك حد و تفضل تبص فى وشه جامد قوى و ما تتكلمش ,حاجه من اتنين يا اما الشخص ده هيشوف حته تانيه يقف او يقعد فيها يا اما هيسألك انت بتبص كده ليه, رد و قوله انك بتشبه عليه وافضل اساله عن اماكن ممكن تكونوا اتقابلتوا فيها حتى لو هو حاول يقفل الموضوع انت خليك معاه و استمر اوعى تبطل .

• ممكن تقف قدام الاسانسير وكل ما حد يركب اساله هو معاه دعوه ولا لا...

• امشى كلم نفسك فى الشارع ولو لقيت حد مركز معاك لفله وقوله "تصدق الكلام ده!!!" و سيبه وامشى

• وانت راكب اى مواصله اسأل كل اللى حواليك "هو حضرتك نازل فين؟" -غالبا هيبصولك من فوق لتحت و مش هيردوا ولو حد متهور شويه ممكن تتحدف من الشباك-

• وقف اى حد فى الشارع و قوله "لو سمحت ممكن ترنلى" -غالبا هتاخد نفس البصه اللى من فوق لتحت-

• اقف على رصيف المترو و شوف محطه ماينفعش تروحها من الاتجاه ده نفترض انها محطه مبارك و دور على شخص قاعد مستنى حد واقعد جنبه و لما ييجى مترو اساله "هو المترو ده بيروح رمسيس (اللى هى محطه مبارك يعنى)؟" هيقول لك لا , خليك قاعد جنبه ولما ييجى المترو اللى بعده اسأله تانى "طب المترو ده بيروح رمسيس؟"

كفايه كده دلوقتى مش عارفه افكر فى اى حاجه زياده
لو جت افكار تانيه هاكتبها ولو اى حد عنده افكار هتكون تحفه لو قالهالنا

كده وخلاص

بيقولك كل بلاد العالم تعدادها بالنسمه يعنى مثلا تعداد البلد الفلانيه 20 مليون نسمه
انما هنا فى مصر التعداد بالمفتى
معروفه جدا ان تعداد مصر 70 مليون مفتى
لان طبعا الانسان المصرى مش اى انسان تانى ,عنده قدره جباره على انه يعرف كل حاجه
من غير حتى ما يكون سمع عنها قبل كده
و اللذيذ فى الموضوع انه ممكن يكذّب كلام واحد متخصص عملا بالمثل القائل "أسأل مجرب ولا تسأل طبيب"
مع العلم طبعا انه اكيد مش الطبيب
و غالبا بيكون برضه مش مجرب
تلاقى حد راح للدكتور و كتب له دواء وواحد تانى بص على النشره بتاعت الدواء وراح بخضه كده قاله
"اوعى تاخد الدواء ده"
"ليه بس ده الدكتور اللى كاتبهولى"
" انت مش خايف على عمرك"
"يانهار انا لو اعرف ان الدواء كده كنت قلت للدكتور يغيرهولى"
وهما الاتنين اساسا ولا عارفين الدوا ده عباره عن ايه
بس سمعوا فى مكان ما انه خطر - غالبا المذيعه مستضيفه حد دكتور او دكتوره و كانوا بيقولوا يا جماعه الدوا ده مش بونبونى و خطر انكم تاخدوه من غير ما الدكتور يكون كاتبهولكم هما سابوا ده كله و مسكوا فى انه خطر-

و نسيوا الحكمه القائله ان "نصف طبيب يفسد الابدان"
و هما حتى ولا حصلوا صابع الدكتور مش نصف دكتور بحاله

ما علينا نرجع لمرجوعنا
بما انى مصريه صميمه
وسمارى ولونى مصرى
و كل مصرى الله عليه
فانا برضه ليا نصيبى من الفتاوى
بس عاده باحطها فى سياق يعرف اللى قدامى انى بافتى علشان ماياخدوش على انه امر مسلم بيه
يعنى قبلها مثلا اقول "اعتقد ان..." او بعدها اقول "و الله اعلم"
المشكله انه موضوع صعب جدا اننا مانفتيش
دى حاجه كده لا ارادى بتيجى على الانسان
و جايز الواحد لو قعد يومين من غير ما يفتى ولا فتيايه صغيره يمشى فى الشارع يقول "فتيايه واحده وهاديك اللى انت عايزه"

**************************

lol