شيلوا التنانين اللى هنا

فيه نظريات بتقول ان (software developer) اصله تنين
بس ماحدش قدر يثبت صحه هذه النظريات الى الان
بس فيه جهود حثيثه انهم يثبتوا النظريه دى
و محدش يتذاكى و يطلع يقولى يعنى ايه حثيثه دى علشان هاقوله يعنى هى دى اللى انت اعترضت عليها فى كل الكلام اللى فات ده

المهم احد هذه الجهود ان الواحد مننا ياخد Task يخلص فى 4 ايام مثلا و يلاقى الmanager بيقوله خلصه النهارده
ماهو لو التاسك خلص يبقى انت تنين
اللى محيرهم لحد دلوقتى ان الواحد مننا ساعات بيخلص التاسك دى فى يوم و نص بدل اربعه
فهما احتاروا
اللى قدامهم ده تنين ولا بنى ادم عادى
ماهو لو تنين كان خلص فى اليوم
ولو بنى ادم مش هيلحق يخلصهم قبل الاربع ايام
و فى الاخر قدروا يوصلوا لحل وسط

وهو ان ال(software developer) اصله طحلب

شكر خاص لزميلى M.Adel صاحب نظريه ان الانسان اصله تنين