- انا مش فاهمه انت ازاى وقعتى فيه, و صدقتى كلامه.
- علشان كنت عايزه اصدق, ممكن نقفل السيرة دى.
- كنت عايزة تصدقى؟! يعنى كنت عارفه انه بيسرح بيكى.
- للاسف كنت عارفه, ممكن نقفل السيرة دى بقى؟!
- و لما انت عارفه كملتى ليه؟! انت اذكى من كده
- علشان ماكانش بيأنبنى على كل حاجه باعملها, ماكانش بيحسسنى انه محتاج انى اتصرف بشكل معين علشان يحبنى, علشان كان بيحسسنى انى بنت ممكن بنى ادم يحبها لشخصها مش علشان يضمن انه لما يحتاجها يلاقيها جنبه و لو ماحتاجهاش اهى مركونه عالرف ماحدش هيقربلها.
- ............................................................
- علشان عارفه انى وحشه و عارفه انى تخينه و رغم كده كان بيقولى و بيحسسنى انى جميله.
- ............................................................
- علشان كان نفسى فى حد فاهم انا باحس بأيه, مش كل همه انى اكمل الصوره اللى رسمهالى قدام الناس و مش مهم انا مبسوطه ولا لأ.
- ............................................................
علشان زهقت من الوحده, و زهقت ان ماحدش بيفتكرنى الا لما يبقى الوقت مناسب ليهم.
- ............................................................
-انا اسفه انى فى يوم اتمنيت انى اعيش , وهو واضح جدا ان مافيش امل فى اى حاجه و الحل الوحيد هو اننا نموت.
ليست هناك تعليقات:
إرسال تعليق